Ракитич ҳеч қаёққа кетмайди, у “Барселона”да қолади
Хорватиялик ярим ҳимоячи Иван Ракитич “Барселона”дан кетмайди. El Mundo Deportivo нашрининг маълум қилишича, 28 ёшли хавбек тез орада каталонияликлар билан амалдаги шартномасини узайтиради.
Эслатиб ўтамиз, Ракитичнинг амалдаги шартномаси 2018 йилга қадар имзоланган эди. Янги шартнома қанча муддатга тузилиши ҳозирча эълон қилинмаяпти.
Аввалроқ, Жозе Моуринью хорватиялик футболчини “Манчестер Юнайтед”да кўришни ҳохлаётгани тўғрисида хабарлар тарқалган эди.
Маълумот учун, Ракитич ушбу мавсум “Барселона” таркибида 19та учрашувда майдонга тушиб, ўз ҳисобига 2та гол ҳамда 1та голли узатма ёздириб қўйишга эришган.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар