Ramos endi mutlaq rekordchiga aylandi

"Real" himoyachisi Serxio Ramos Ispaniya terma jamoasida maydonda harakat qilgan daqiqalar bo‘yicha rekord o‘rnatdi.

34 yoshli futbolchi kecha Portugaliyaga (0:0) qarshi o‘yinda zaxiradan maydonga tushdi va shu tariqa terma jamoada o‘ynagan daqiqalarini 13336 taga etkazib oldi.

Ramos bu bilan afsonaviy darvozabon Iker Kasilyasni ortda qoldirishga erishdi. Serxio Ispaniya terma jamoasida eng ko‘p o‘yin o‘tkazgan futbolchi hamdir. U jami 173 ta bellashuvda “qizi furiya” sharafini himoya qilgan.