Рамосни ПСЖга ўтишга ким кўндирди?

Яқинда "Пари Сен-Жермен" билан шартнома имзолаган Серхио Рамос уни француз грандига ўтишга Неймар кўндирганини айтди.

“Биз Неймар билан 6-7 йилдан бери алоқадамиз. Биз ҳар доим дўст эдик, гарчи мен "Реал"да, у "Барселона"да ўйнаган ўйнаган бўлсак ҳам.

Мени ПСЖга ўтишга Неймар кўндирди. Ҳар доим янги клубга ўтишдан олдин у ерда ўйнаётган футболчилар билан суҳбатлашиш яхши фикр. Уларнинг фикри катта аҳамиятга эга”, - деди Рамос.

35 ёшли Рамос ПСЖга эркин агент сифатида кўчиб ўтди. У парижликлар билан 2 йиллик шартнома имзолади.