Раньери Шомуродовнинг собиқ жамоасини бошқариши мумкин

Хабарингиз бор, Италиянинг "Женоа" клуби бош мураббийсиз қолган эди, жамоа германиялик мутахассис Александр Блессинни истеъфога чиқарган. Раҳбарият унинг режаларига бир йил ҳам чидай олмади.

Блессин ўтган мавсум жамоани Италия А сериясидан қуйи лигага тушиб кетишдан сақлаб қола олмади, клуб Б серия турнир жадвалида бешинчи ўринни эгаллади, раҳбарият эса буни омадсизлик деб ҳисоблади.

Энди унинг ўрнига Клаудио Раньери асосий номзод сифатида кўрилмоқда. Айни дам жамоани вақтинча Альберто Жилардино бошқармоқда.