Рангник ”Атлетико” жамоаси ҳақида нималар деди?

”Манчестер Юнайтед” бош мураббийи Ральф Рангник ”Атлетико”га қарши бўлиб ўтадиган ЕЧЛ нимчорак финал баҳси ҳақида гапириб ўтди. Унга кўра, Мадрид клуби МЮга ҳар томонлама муаммо туғдира олади. 

“Диего ўзининг одатий услуби билан етарлича совринлар ютган. Менимча, унда услуб ўзгармаган. 

Бу жамоа ҳиссиётлар билан бошқарилади. Ҳиссиёт эса Симеоне билан бир қаторда келишини яхши биласиз. У дунёдаги энг таъсирчан мураббийлардан бири.

Уларга қарши икки баҳс ҳам қийин бўлади. Биз ҳам жисмоний, ҳам руҳий томондан бунга тайёр туришимиз керак. 

Мен шогирдларимни бундай қийинчиликдан олиб ўтиш учун бор кучим билан ҳаракат қиламан. Биз эътиборли ва тартибли ўйин кўрсатишимиз лозим“, - деди германиялик мутахассис.