Расман! "Ан-Наср" ўз таркибига легионер қўшиб олганини эълон қилди

Саудия Арабистони чемпионати етакчиларидан бири "Ан-Наср" ўз таркибини дарвозабон билан кучайтирди.

Клуб матбуот хизмати берган хабарга кўра, аргентиналик Агустин Росси риёдликлар шарафини ҳимоя қилади. У Саудия пойтахтига етиб келган ва тез орада тиббий кўрикдан ўтади. Томонлар мавсум сўнгига қадар амал қиладиган шартнома имзолаган.

Росси яқиндагина қўлидан жиддий жароҳат олган Давид Оспинанинг ўрнини тўлдириши кўзда тутилган. Аввалроқ, жамоа Криштиану Роналдуни ўз таркибига қўшиб олганди.

"Наср" айни пайтда 33 очко билан чемпионатда пешқадамлик қилмоқда.

Фикрлар

Фикр қолдириш учун авторизациядан ўтинг!