Расман! Антони Марсьяль Ла Лига гранди сафига кўчиб ўтди (ФОТО)

"Манчестер Юнайтед" ҳужумчиси Антони Марсьяль мавсумни "Севилья"да давом эттирадиган бўлди.

Ла Лига гранди 26 ёшли франциялик футболчини 5 миллион евро эвазига мавсум охиригача ижарага олди. Бундан ташқари, андалусияликлар ушбу давр мобайнида Марсьялнинг маошини тўлиқ тўлаб беради. Бу ҳақда клуб расмий сайти хабар тарқатмоқда.

Марсьяль "Манчестер Юнайтед" сафида 2015 йилдан буён тўп суриб келаётган эди. У ўтган ушбу давр мобайнида жами 269 та ўйинда майдонга тушди ва 79 та гол ҳамда 50 та голли узатмага муаллифлик қилди. У бунгача "Лион" ва "Монако" клубларида ўйнаган. Франция терма жамоаси сафида эса 30 та учрашув ўтказиб, 3 та гол урган.