Rasman! Evropadagi legionerimiz klubi bilan shartnomasini uzaytirdi (foto)

Rossiya Premer-ligasi o‘rtamiyonalaridan biri "Nijniy Novgorod" jamoasida harakat qilayotgan Ibrohimhalil Yo‘ldoshev shartnomasini uzaytirdi.

Bir necha kun oldin SPORTS.uz sayti orqali legionerimiz bilan intervyu uyushtirilgan va suhbat davomida Yo‘ldoshev 3 yillik bitimga imzo chekkanini muxbirimizga ma’lum qilgandi.

Klub matbuot xizmati tarqatgan xabarda ham vakilimiz Rossiyada 2025 yilga qadar qolishi aytilgan. 21 yoshli himoyachi "Nijniy Novgorod" libosida 17 o‘yinda maydonga tushib, o‘z hisobiga 1 gol va 2 assist yozdirib qo‘yishga muvaffaq bo‘lgan. Shuningdek, jamoasining mart oyidagi eng yaxshi futbolchisi deb topilgan.