Расман: Икарди турк клуби билан шартнома имзолади

"Галатасарой" клуби ҳужумчи Мауро Икарди билан келишувга эришганини эълон қилди.

Икарди ПСЖдан ижара асосида турк жамоасига ўтади. Франция клуби Икардига маошининг бир қисмини тўлашда давом этишини билдирган.

Икардининг парижликлар билан амалдаги шартномаси 2024 йилнинг 30 июнига қадар тузилган.

Ўтган мавсумда Икарди ПСЖнинг Лига 1 доирасидаги 24 та ўйинда майдонга тушиб, ўз ҳисобига 4 та гол ёздириб қўйган.