Rasman! "Kristal Pelas" 2 nafar futbolchi bilan shartnoma imzoladi

Londonning "Kristal Pelas" klubi APLda transfer oynasi yopilishi arafasida o‘z safiga 2 nafar futbolchini qo‘shib oldi.

Klub rasmiy saytining xabar berishicha ular ikki nafar yarim himoyachi - Jeyms Makkarti ("Everton") va Viktor Kamaras ("Betis") bilan shartnoma imzolashdi. 28 yoshli Makkartining transferi 3,3 mln evroga tushgan, 25 yoshli Kamaras esa keyinchalik 15 mln evroga sotib olish huquqi bilan bir yilga ijaraga olingan.

Endi londonliklar transfer oynasi yopilgunicha TsSKA hujumchis  Fyodor Chalovni o‘z saflariga qo‘shib olishni rejalashtirishgan. Ushbu transfer esa ularga taxminan 25 mln evroga tushishi aytilmoqda.