Расман! Куадрадо "Ювентус" билан шартномасини узайтирди

"Ювентус" колумбиялик ярим ҳимоячи Хуан Куадрадо билан янги шартнома имзолади. Бу ҳақда клуб матбуот хизмати хабар бермоқда.

Қайд этилишича, 33 ёшли футболчининг туринликлар билан имзолаган янги шартномаси 2023 йилнинг ёзига қадар мўлжалланган.

Эслатиб ўтамиз, колумбиялик футболчи 2015 йилда «Юве»га ўтган ва шундан бери клуб учун 262 та ўйин ўтказиб, 24 та гол урган ва 53 та голга ассистентлик қилган.

Куадрадо жорий мавсум А Серияда 30 та ўйинда майдонга тушиб, 4 та гол урди ва 3 та голли узатмани амалга оширди.