Расман! Леон Эдвардс ва Колби Ковингтон жанги тасдиқланди

UFCнинг ярим ўрта вазн (77,1 кг) тоифаси чемпиони Леон Эдвардснинг(21-3-1 NC) навбатдаги жанг санаси ва рақиби маълум бўлди.

Чемпион расмий даъвогар дивизион рейтингининг етакчиси Колби Ковингтонга(17-3) қарши октагонга кўтариладиган бўлди. Мазкур жанг "UFC 296" турнирининг асосий жанги бўлиб, 16 декабрь куни Лас-Вегасда бўлиб ўтади.

Эслатиб ўтамиз, Эдвардс сўнги жангини Камару Усманга қарши ўтказиб, ғалаба қозонган бўлса, Ковингтон охирги жангида Хорзе Масвидални мағлуб этганди.