Расман. “Лидс“ бош мураббийи истеъфога чиқди

“Лидс“ бош мураббийи Марсело Бьелса жамоа билан хайрлашди. Бу ҳақда клуб матбуот хизмати хабар берди. 

Бьелсанинг кетишига унинг охирги ўйинлардаги қониқарсиз натижалари сабаб бўлди. “Лидс“ аргентиналик мутахассис бошчилигида охирги 3 ўйинда жами 14та гол ўтказиб юборди. 

Хабарларга кўра, Марсело ўрнини “Лейпциг“ собиқ бош мураббийи Жесси Марш эгаллаши кутилмоқда. Ҳозирча бу борада расмий хабар чиққани йўқ.