Расман! "Лион" Боатенгни ўз сафига қўшиб олди

"Лион" клуби ўзининг расмий сайтида германиялик марказий ҳимоячи Жером Боатенг билан шартнома имзолаганини эълон қилди.

Юқоридаги манбага кўра, 32 ёшли футболчи француз клуби сафига эркин агент сифатида келиб қўшилган ва 2 йиллик шартнома имзолаган.

Боатенг ўтган мавсум "Бавария" сафида 39 та ўйинда иштирок этди ва ўз ҳисобига 2 та гол ҳамда 1 та голли узатма ёздириб қўйди.

Жером мюнхенликлар сафида 2011 йилдан буён тўп суриб келаётган эди.