Расман: "Ливерпуль" чорак финалда!

Европа Чемпионлар Лигасида 1/8 финал учрашувларининг жавоб учрашувлари ўтказилмоқда. Бугун "Ливерпуль" - "Лейпциг" ҳамда ПСЖ - "Барселона" учрашувлари ўз ниҳоясига етди. Учрашувларда 2:0 ҳамда 1:1 ҳисоблари қайд этилди.

"Ливерпуль" - "Лейпциг" ўйинидаги голларга Муҳаммад Салаҳ ҳамда Садио Мане муаллифлик қилишди. 2-ўйин натижасига кўра, умумий ҳисоб 4:0. "Лейпциг" мутлақ мағлуб!

• 90+3'
  

  Учрашув якунланди! "Ливерпуль" "Лейпциг"га имконият қолдирмади. Матнли трансляцияни Абдулла Маннонов олиб борди. Эътиборингиз учун раҳмат!

• 90+'
  

  2 дақиқа вақт қўшиб берилди.

• 90'
  

  "Ливерпуль"да 2 ўзгариш: Робертсон ва Мане ўрнига Окслейд-Чемберлен ва Цимикас ўйинга қўшилди.

• 88'
  

  Ориги офсайдда қолиб кетди. 

• 85'
  

  "Ливерпуль" бурчак тўпи ишлаб олди. Робертсон уни ижро этади.

• 82'
  

  Вейналдумнинг ўрнига Жеймс Милнер ўйинга қўшилади.

• 76'

  Амаду Хайдара жуда қўпол ўйнади.

• 74'
  

  ГОООООООООООООООООООЛЛЛ!!! Садио Мане ҳисобни ишончли кўринишга келтириб қўйди! Узатма муаллифи Дивок Ориги. 2-0!

• 73'
  

  "Лепциг"да ҳам 2 ўзгариш амалга оширилади: Дани Ольмо ўрнига Амаду Ҳайдара ўйинга қўшилди.

• 72'
  

  "Ливерпуль" шу заҳоти 2 ўзгаришни ишга солади: Диогу Жота ҳамда Тьяго Алькантара ўрнига Дивок Ориги ва Наби Кейта ўйинни давом эттиради.

• 71'
  

  ГООООООООООООООООООООЛЛЛ!!! Муҳаммад Салаҳ ажойиб комбинацион ҳужумни аниқ ва кучли зарбаси билан якунлади ва тўпни дарвозага михлаб қўйди! 1-0!

• 68'

  Жоржиньо Вейналдум ҳужумда фол қайд этди. Ҳакам буни илғади.

• 65'

  Александр Сорлотнинг жарима майдончаси ичидан туриб берган зарбаси дарвоза устунига тегиб қайтди!

• 64'

  "Лейпциг" аъзоси Хи Чхан Хван жарима майдончаси ташқарисидан тўпни дарвозага кучли зарбаси билан йўналтирди, бироқ у бироз баландлаб кетди.

• 63'

  Кльюйвертнинг узатмаси аниқ чиқди, бироқ ҳимоячилар бу эпизодда фаол қатнашишди.

• 61'
  

  Ҳозиргина майдонга тушган Кльюйверт офсайдда қолиб кетди.

• 60'
  

  Нагелсманн 2 ўзгаришни амалга оширади: Эмиль Форсберг ўрнига Жастин Кльюйверт ўйинга қўшилди. Поулсеннинг ўрнига эса Ки Чхан Чван ўйинни давом эттиради.

• 58'

  "Лейпциг" қарши ҳужумга ўтиб кета олмади, мерсисайдликлар бунга йўл қўймаяпти.

• 57'

  "Лейпциг" тезкорлик билан тўпни жаримадан ўйинга киритиб беради.

• 57'

  Тьяго Алькантара тўпга қўли билан тегиб юборди. Ҳакам ўйинни тўхтатди.

• 55'
  

  Диогу Жота воқеалар ривожидан илгарилаб кетди. Офсайд.

• 54'

  Фабиньо қўпол ўйнади ва оғзаки огоҳлантирилди.

• 53'

  Диогу Жота ҳужумни якунлаш учун бирорта шеригини топа олмади. Тўп йўқотилди.

• 49'

  "Лейпциг"да узатмалар сони кўп ва аниқ кечмоқда. 2-бўлим уларнинг устунлигида бошланди.

• 46'
  

  "Лейпциг"да ўзгариш: Кевин Кампьл ўрнига Александр Сорлот ўйинга қўшилди.

• 46'
  

  Иккинчи бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+2'
  

  Биринчи бўлим якунланди! Танаффус.

• 45+'
  

  1 дақиқа вақт қўшиб берилади.

• 44'

  Натан Филипсдан қўпол ўйин. Жарима тўпи тепилади.

• 43'

  Нкунку бугун жуда фаол. Унинг узатмасини ҳимоячи зарарсизлантирди.

• 41'
  

  Сейв! Жотанинг зарбасини Гулачи яна бир бор қайтарди!

• 39'
  

  Эмиль Форсберг офсайдда қолиб кетди.

• 37'

  Нкункунинг узатмаси яна бир бор ҳимоячилар томонидан узоқлаштирилди.

• 33'

  Форсбергнинг зарбаси ўнг устуннинг ёнгинасидан ўтиб кетди!

• 32'
  

  Кевин Кампльнинг жарима майдони ташқарисидан берган кучли зарбасини Алиссон ушлаб қолди!

• 29'
  

  Робертсон бурчакдан тўпни ўйинга киритади.

• 29'

  Арнольднинг жарима майдончаси ичига узатмасига аниқлик етишмаси.

• 27'

  Поульсеннинг бош билан берган зарбасига бироз аниқлик етишмади.

• 26'
  

  Бурчакдан тўпни "Лейпциг" аъзолари ўйинга киритиб беради.

• 25'

  Уххх! Тьягонинг чалқанчасига берган зарбасини дарвозабон ушлаб олди.

• 24'
  

  Қарши ҳужумга ўтган Салаҳ дарвозага зарба берди, сейв! Қайтган тўпни Мане тепди! Бу сафар ҳимоячи!

• 23'

  Жарима майдончаси ичига узатилган узатмани Натан Филипс узоқлаштирди. Қарши ҳужум.

• 22'

  Тьяго Алькантара рақибининг оёғини босиб олди. Жарима зарбаси.

• 20'
  

  Навбатдаги бурчак тўпи ҳам Арнольд томонидан ижро этилади.

• 20'
  

  Бурчакдан узатилган тўпни Жота боши билан дарвозага йўналтирди, дарвозабон Гулачи эса чиройли сейви билан хавфни бартараф этди!

• 19'
  

  Бурчак тўпи. Арнольд уни ижро этади.

• 17'

  Манеда ҳаммаси жойида. У ўйинни давом эттира олади.

• 15'
  

  Садио Мане тўқнашув оқибатида шикастланди. У майдонда тиббий ёрдам олмоқда.

• 14'

  Тренд Александр-Арнолд жаримадан тўпни ичкарига етказиб берди, Гулачи тўпга ҳаммадан баланд сакраб, уни узоқлаштирди.

• 12'

  Робертсон қанотда ҳимоячига нисбатан фол ишлатди. Клеман Тюрпень ҳуштагини чалди.

• 10'
  

  Дани Ольмо голга жуда яқин эди, бироқ зарбани тажрибали Алиссон бартараф этди! Сейв.

• 9'

  Садио Мане дриблинг билан ичкарига ёриб кирди, бироқ тўп бироз олдинлаб кетди. Тўп майдонни тарк этди.

• 7'
  

  Бу сафар Садио Мане воқеалар ривожидан илгарилаб кетди.

• 6'
  

  Эмиль Форсберг офсайдда қолиб кетди.

• 5'

  Озан Кабак рақибнинг ҳужумини чиройли тарзда бартараф этди. Қарши ҳужум бўлиши мумкин.

• 2'

  Тьяго Алкантара деярли голли вазият юзага келтирган эди, бироқ сўнгги узатмага бироз аниқлик етишмади.

• 1'
  

  Учрашув бошланди!