Расман! Мартинесга Погбанинг рақами берилди (фото)

Хабарингиз бор, "Манчестер Юнайтед" "Аякс"дан ҳимоячи Лисандро Мартинесни сотиб олганди. Бугун футболчи "қизил иблислар" сафида қайси рақам остида тўп тепиши маълум бўлди. 

Клуб расмий сайтининг хабар беришича, Мартинес 6-рақамли либосда ҳаракатланади. Аввал бу рақам "Ювентус"га ўтиб кетган Поль Погбага тегишли эди. 

Лисандро "Аякс"да 21-рақамли формада ўйнаган. Ҳозир Манчестер клубида бу рақам Донни ван Де Бекка тегишли. 

Маълумот ўрнида, аргентиналик иқтидор эгасининг трансфери "Манчестер Юнайтед" учун 57 миллион еврога тушган.