Расман! Милнер "Ливерпуль" билан шартномасини узайтирди

"Ливерпуль" клуби ярим ҳимоячиси Жеймс Милнер клуб билан амалдаги шартномасини узайтирди. Бу ҳақда клуб расмий сайти хабар тарқатмоқда.

Ҳозирча 33 ёшли футболчи мерсисайдликлар билан қачонгача шартнома имзолагани маълум қилинмаяпти. Аммо, The Telegraph нашри тарқатган хабарга қараганда Милнернинг янги келишуви 2022 йилга қадар имзоланган.

Маълумот учун, Милнер “Ливерпуль” сафида 2015 йилдан буён тўп суриб келмоқда. У ўтган давр мобайнида 198 та ўйинда майдонга тушди ва 25 та гол ҳамда 40 та голли узатма ёздириб қўйишга эришди.