Расман! МЮ бош мураббийи фаолиятини терма жамоада давом эттиради

"Манчестер Юнайтед" бош мураббийи Ральф Рангник Австрия терма жамоаси бош мураббийи этиб тайинланди. Бу ҳақда таниқли инсайдер Фабрицио Романо хабар берди.

Терма жамоа билан имзоланган шартномага кўра, мутахассис 2 йиллик битимга қўл қўйган. У жорий мавсумни Манчестер клуби билан тугатиб қўяди.

"Мен янги мавсумни Австрия терма жамоасида бошлашга қарор қилдим. Ҳозирда бор эътиборимни МЮга қаратганман.

Клубни қудратли жамоага айлантириш учун ҳар нарсага тайёрман", - деди германиялик мутахассис.