Расман! "Наполи" янги футболчи сотиб олди

"РБ Лейпциг" клуби ярим ҳимоячиси Диего Демме фаолиятини "Наполи"да давом эттиради. Бу ҳақда клуб расмий сайти хабар тарқатмоқда.

Ҳозирча шартнома тафсилотлари ошкор этилмаяпти. Бироқ, бундан аввалроқ 28 ёшли германиялик футболчининг трансфери неаполликларга 10 млн еврога тушиши айтилаётган эди.

Маълумот учун, Демме “РБ Лейпциг” сафида 2014 йилдан буён тўп суриб келаётган эди. У жорий мавсум 24 та ўйинда иштирок этди ва 1 та гол уришга эришди.