Расман! ОКМК 23 ёшли "Бунёдкор" футболчисини таркибга қўшиб олди (фото)

Авазбек Ўлмасалиев ОКМК футболчисига айланди. Бу ҳақда клуб матбуот хизмати хабар берди. 

Авазбек Ўлмасалиев 2000 йилнинг 27 март санасида Фарғона шаҳрида таваллуд топган. Фаолияти давомида Фарғонанинг "Нефтчи", Тошкентнинг "Локомотив" ва "Бунёдкор" жамоаларида тўп тепган марказий ҳимоячи бўлажак мавсумда "кончилар" шарафини ҳимоя қилади. ОКМК ва футболчи ўртасида 2 йиллик (1+1) шартнома имзоланди.

Ёш иқтидор эгаси 2023 йилги Суперлига мавсумида "Бунёдкор" сафида 25 ўйинда иштирок этиб, битта гол ва 1 голли тўпузатмаларига муаллифлик қилган. 23 ёшли ҳимоячи Суперлига баҳсларида жами 111 та учрашувда майдонга тушиб, рақиблари дарвозасига 8 та гол уришга эришган.