Расман! Осимхен "Галатасарой" футболчиси

"Наполи" ҳужумчиси Вистор Осимхен Туркия чемпионатига йўл олди. У "Галатасарой" футболчисига айланди. Бу ҳақида Истанбул жамоаси ўз саҳифаси орқали маълум қилмоқда. 

Нигериялик страйкер бир мавсумлик ижара асосида "Галатасарой"да ҳаракат қилади ва ушбу муддатда клуб уни 10 миллион евролик маошини тўлаб беради. 

2025 йилнинг ёзида Осимхен бошқа жамоага кўчиб ўтишга ҳаракат қилиб кўради. Шу сабабли, у неаполликлар билан шартномасини 2027 йилгача узайтириб, товон пулини 75 миллион еврога туширди.