Расман! Қатар терма жамоасига янги бош мураббий тайинланди

Хабарингиз бор, бир оз олдин Қатар терма жамоаси Карлуш Кейрушни ўз лавозимидан озод қилди. Унинг ўрнига ким келиши аниқ бўлди. 

Маркес Лопес Қатар терма жамоасининг янги бош мураббийига айланди. У шу вақтгача "Ал-Вакра" клубини бошқариб келаётганди.  

Эслатиб ўтамиз, испаниялик мутахассис фаолияти давомида "Эспаньол", "Кастельон" ва "Эйпен" жамоалари ва Ироқ терма жамоасига устозлик қилган. 

Осиё чемпионати олдидан Қатарнинг бундай катта ўзгаришга қўл уриши кутилмаган ҳолат бўлди. 12-январдан старт оладиган турнирда қатарликлар Хитой, Ливан ва Тожикистон билан бир гуруҳдан жой олган.