Расман! "РБ Лейпциг" Гвардиолнинг трансферини эълон қилди (ФОТО)

Загребнинг "Динамо" клуби ярим ҳимоячиси Йошко Гвардиол расман "РБ Лейпциг" футболчисига айланди.

Берилган маълумотларга қараганда, немис клуби 18 ёшли футболчининг трансфери учун 16 млн евро сарфлаган. Унинг ўзи эса “РБ Лейпциг” билан 2025 йилга қадар имзоланган.

Йошко асли “Динамо” Загреб тарбияланувчиси ҳисобланади. У асосий жамоада 16 та ўйинда майдонга тушди ва 1 та гол ҳамда 1 та голли узатмага муаллифлик қилди. Хорватия ёшлар терма жамоаси сафида эса 2 та ўйинда майдонга тушган.