Расман! "Реал" Кроос билан шартномани узайтирди

Мадриднинг "Реал" клуби ўзининг расмий сайтида жамоа ярим ҳимоячиси Тони Кроос билан шартномани узайтиргани ҳақида маълум қилди.

Унга кўра 29 ёшли германиялик футболчи “қироллик клуби” билан 2023 йилга қадар тузилган шартномага имзо чеккан.

Эслатиб ўтамиз, бундан аввалроқ Крооснинг “Бавария”га ўтиши борасида турли хабарлар тарқалган эди.

Маълумот учун, Тони Кроос “Реал” Мадрид сафида 2014 йилдан буён тўп суриб келмоқда. У ўтган давр мобайнида жами 233та ўйинда майдонга тушди ва ўз ҳисобига 13та гол ҳамда 59та голли узатма ёздириб қўйишга эришди.