Расман! “Рома” футболчиси трансфер қилинди

Франция чемпионатида юқори ўринлар учун курашаётган “Марсель” матбуот хизмати клуб “Рома”дан ижарага олинган испаниялик дарвозабон Пау Лопеснинг трансфер ҳуқуқини сотиб олганини эълон қилди.

 27 ёшли дарвозабон жорий мавсумда “Марсель”нинг биринчи рақамли қўриқчисига айланди ва жами 20 та учрашув ўтказиб, шулардан 11 тасида гол ўтказмади.

Пау Лопеснинг янги шартномаси 2026 йилнинг ёзигача тузилди.

У профессионао футболчилик фаолиятини 2014 йили “Эспаньол”да бошлаган. Кейинчалик “Тоттенхэм”, “Бетис” ва “Рома” дарвозаларини қўриқлади.

“Марсель” бу посбонни қўлга киритиш учун 12 миллион евро тўлагани айтилмоқда.