Расман: "Рома" таркибига янги ҳимоячи келиб қўшилди (ФОТО)

"Аталанта" ҳимоячиси Рожер Ибанес "Рома" клуби сафига қўшилди.

Рим клуби 21 ёшли футболчини 2021 йилнинг ёзига қадар ижарага олди.

Бир қатор шартлар ва вазифалар уддаланса, римликлар футболчини 8 млн евро эвазига сотиб олишади ва "Аталанта" бонус сифатида яна 2 млн еврога эга бўлиши мумкин. Бундан ташқари, "Рома" футболчини 2024 йилнинг ёзига қадар сотадиган бўлса, трансфернинг 10% қисми ҳам "кўк-қоралар"га тегишли бўлади.

Маълумот учун, Ибанес "Аталанта" сафида ўтган 2 йиллик фаолиятида бор-йўғи 2 та учрашувда майдонга тушган ҳолос ва бу орада "Флуминенсе" клубида ижарада ўйнаб келишга ҳам улгурди.