Расман! Садио Маненинг янги жамоаси маълум бўлди! (Фото)

“Ливерпуль” ҳужумчиси Садио Мане расман “Бавария” футболчисига айланди. Бу ҳақжа мюнхенликлар расмий сайти хабар бермоқда.

30 ёшли форвард немис клуби билан 2025 йилнинг ёзига қадар амал қиладиган шартнома имзолади.

"Бавария" Мане учун бонусларни ҳам қўшиб ҳисобланганда 41 миллион евро тўлайди. Қайд этилишича, немислар футболчига йилига солиқлардан ташқари 20 миллион евро маош бериши кўзда тутилган.

“Мен "Бавария"га ўйнаш учун келдим. Жамоадошларим билан барча мусобақаларда ғалаба қозонишни истайман.

Чемпионлар лигаси ҳақида гапиришга ҳали эрта, биз ҳали бирорта ҳам ўйин ўтказганимиз йўқ. Шундай бўлса-да, биз финалга чиқиш учун бор кучимизни ишга соламиз”, - дейди Мане.