Расман! "Севилья" МЮ футболчисини ижарага олди

"Севилья" клуби "Манчестер Юнайтед" жамоаси ҳимоячиси Алекс Теллесни ижарага олди. Бу ҳақда андалусияликлар расмий сайти хабар берди. 

Футболчи янги жамоаси сафида 3-рақам остида тўп тепади. Унинг ижараси учун Ла Лига клуби 2 миллион евро тўлайди. 

Маълумот ўрнида, Теллес 2020 йил октябрь ойида "қизил иблислар" футболчисига айланганди. У ўзининг дебютини ПСЖга қарши ўйинда нишонлаган.