Равшан Эрматов бошчилигидаги ЎФА делегацияси ФИФА Конгрессида!

Қатар пойтахти Дохада ФИФАнинг 72-Конгресси бўлиб ўтди. Конгресс уч йил ичида биринчи марта йиғилди, аввалги йилларда COVID-19 пандемияси чекловлари натижасида онлайн ўтказилганди.

ЎФА матбуот хизматининг ёзишича, бу галги Конгрессда ЎФА биринчи вице-президенти Равшан Эрматов бошчилигидаги делегация ҳам иштирок этди. Коронавирус пандемияси шароитида бир неча аъзо мамлакатлар бу сафар ҳам виртуал равишда иштирок этишларига тўғри келди.

Умумий ҳисобда Конгрессда 211 ассоциациядан 210 таси қатнашди ва бир қатор масалалар кўриб чиқилди.