"Реал" 2016 йилги натижасини такрорлади

Мадриднинг “Реал” клуби Испания чемпионатининг жорий мавсумини жуда муваффақиятли бошлади. Карло Анчелотти шогирдлари дастлабки 4 турда “Альмерия”, “Бетис”, “Эспаньол” ва “Сельта” устидан ғалаба қозонишди.

“Қироллик клуби” 2016/2017 йилги мавсумдан бери биринчи марта мавсум бошидаги тўртта беллашувнинг ҳаммасида ғалаба қозонди. Ўшанда "қаймоқранглилар"ни франциялик мутахассис Зинедин Зидан бошқарганди. Ўша мавсум якунида "Реал" Мадрид мамлакат чемпионига айланди.

Мадридликлар 12 очко билан энг яқин таъқибчисини икки очкога ортда қолдириб, турнир жадвалида пешқадамлик қилмоқда.

Ла Лиганинг 5-турида Анчелотти шогирдлари “Сантьяго Бернабеу”да “Мальорка”ни қабул қилади.