"Real" Alabani qo‘lga kiritish yo‘llarini qidirmoqda

“Real” rahbariyati mavsum so‘nggida erkin agentga aylanadigan “Bavariya” himoyachisi David Alabani qo‘lga kiritish yo‘llarini qidirmoqda.

Madridliklar 28 yoshli avstriyalik futbolchiga 32 yoshli Serxio Ramos o‘rniga munosib o‘rinbosar sifatida qaramoqda. Aytish lozimki, ispaniyalik futbolchining “Qirollik klubi” bilan amaldagi shartnomasi yozda o‘z nihoyasiga etadi.

Ammo “Real”ga Alabani qo‘lga kiritish oson bo‘lmaydi. Boisi, u “Bavariya” hujumchisi Robert Levandovski bilan bir xil, ya’ni soliqlardan tashqari yiliga 12 mln evro maosh olishni xohlayapti.

Bundan tashqari, Alabaga “Manchester Siti” va “Manchester Yunayted”dan ham qiziqishlar bor.