“Реал” Анчелоттига сюрприз тайёрлади

“Реал” раҳбарияти жамоани 2021 йилдан бери бошқариб келаётган Карло Анчелоттига сюрприз тайёрлади.

Relevo нашри маълумотига кўра, “Қироллик клуби” италиялик мутахассис билан ҳамкорликни яна икки йилга узайтиришга қарор қилган.

Карло Анчелотти ҳам жамоада қолишни режалаштирмоқда.

Тажрибали мутахассис қўл остида мадридликлар Испания чемпионати, мамлакат кубоги ва Суперкубоги, Европа Чемпионлар лигаси ҳамда клублар ўртасидаги жаҳон чемпионатида ғолиб чиқди.

64 ёшли Анчелотти илгари “Эвертон”, “Наполи”, “Бавария”, “Челси”, ПСЖ, “Милан”, “Ювентус”, “Парма” каби жамоаларда ҳам фаолият юритган.