"Реал" АПЛ тўпурарини ўз сафига қўшиб олмоқчи

"Арсенал" форварди Пьер-Эмерик Обамеянг "Реал" Мадриднинг қизиқишлар доирасига кириб қолди.

Diario Gol нашри тарқатган хабарга кўра “қироллик клуби” 29 ёшли габонлик футболчи учун 85 млн евродан воз кечишга тайёр. Ўз навбатида “канонирлар” устози Унаи Эмери  жамоага янги футболчилар сотиб олишга маблағ топиш учун ушбу трансферга розилик билдириши мумкин.

Эслатиб ўтамиз, Обамеянг жорий мавсум АПЛда 22та гол билан тўпурар бўлди.