“Реал” ашаддий рақиб тарбиялаган футболчига харидор

“Байер” жамоасида ўзини кўрсатаётган Алехандро Гримальдо Леверкузенда узоқ қоладиганга ўхшамайди.

Таниқли инсайдер Экрем Конур 28 ёшли ҳимоячи хизматларига “Реал” жиддий қизиқиш билдираётганини таъкидлаяпти.

Испаниялик футболчи “Барселона” тарбияланувчиси ҳисобланади. Бироқ асосий таркибга қабул қилинмагани боис, 2016 йили “Бенфика”га ўтиб кетган.

Гримальдо ўтган ёз эркин агент мақомида “Байер” билан тўрт йиллик шартнома имзолади.

Чап қанот ҳимоячиси бўлган Гримальдо ҳужумга ўтишни хуш кўради. Жорий мавсумда Бундеслигада саккизта учрашувда учта гол ва тўртта ассист муаллифи бўлди. Европа лигасида учта ўйинда иккита тўп киритди.

Гримальдони трансфер қилмоқчи бўлаётган клублар кўп. Унинг трансфер суммаси 25 миллион еврога тенг.