“Реал” барча турнирларда гол ураётган 21 ёшли зўр ҳужумчи топди

“Реал” мутасаддилари жамоа ҳужум чизиғини “Астон Вилла” форварди Жон Дуран ёрдамида кучайтириш масаласини ўрганиб чиқяпти.

Бу ҳақда таниқли журналист Санти Ауна хабар берди.

Манбага кўра, 21 ёшли колумбиялик форвардга “Реал”дан ташқари “Пари Сен-Жермен”ҳам жиддий қизиқиш билдирмоқда.

Бироқ Дураннинг ўзи бошқача фикрда. Истеъдодли ҳужумчининг ўзи “Ан-Наср”га кўчиб ўтиб, мўмай даромад топишни кўзлаб турибди.

Дуран профессионал футболчилик фаолиятини ўз юртида “Энвигадо” клубида бошлаган. Бу жамоада уч йил тўп тепганидан кейин 2022 йилда АҚШнинг “Чикаго” жамоасига кўчиб ўтди.

“Астон Вилла” ёш ҳужумчини 2023 йилнинг январида 16,6 миллион еврога трансфер қилган. Жорик мавсумда ўз ўйнаган барча турнирлар – Премьер-лига, Европа Чемпионлар лигаси ва Англия лигаси кубогида жами 28 та учрашувда майдонга тушган футболчи ўз ҳисобига 12 та гол ёздириб қўйди.