"Реал" "Бавария" етакчисининг таклифини рад этди

"Реал Мадрид" ёзда эркин агентга айланадиган Жошуа Киммих билан шартнома имзоламоқчи эмас, деб хабар бермоқда "Маrcа" нашри 
 
Гап шунчаки, бир неча кун аввал Киммихнинг агентлари футболчини "қироллик клуби"га таклиф қилишган. Бироқ, мадридликлар бу таклифни қабул қилмасдан, рад жавобини берган. 
 
Бунга асосий сабаб сифатида, "қаймоқранглилар" ёзги трансферлар ойнасида "Ливерпуль" ҳимоячиси Трент Александр-Арнольдни олиб келиши мумкин. Бундан ташқари, кейинги мавсум жамоанинг асосий ўнг қанот ҳимоячиси Дани Карвахал ҳам сафга қайтади. Шу билан бирга, клуб мутасаддилари марказий ярим ҳимояда ҳеч қандай муаммо йўқ деб ҳисоблашмоқда. 

Маълумот ўрнида, 29 ёшли германиялик футболчи бу мавсум 28 та учрашувда иштирок этиб, 1 та гол ва 7 та голли узатмага муаллифлик қилишга улгурди. Унинг Тransfermarkt порталидаги нархи 50 миллион евро деб баҳоланмоқда.