"Реал" "Бавария" футболчиси билан шартнома имзоламоқчи

"Bild" нашри тарқатган хабарларга кўра, "Реал Мадрид" "Бавария" ҳимоячиси Дайо Упамекано билан эркин агент сифатида келишиш имкониятини кўриб чиқмоқда.

Франциялик футболчининг мюнхенликлар билан амалдаги шартномаси 2026 йил ёзигача мўлжалланган.

Маълумотларга кўра, "Бавария" ва Упамекано олти ойдан буён шартнома узайтириш борасида музокара олиб боряпти. Бироқ, молиявий келишув масаласида томонлар ҳали ҳам бир тўхтамга келгани йўқ. Ҳозирда футболчи йилига 16 миллион евродан ортиқ маош олади ва уни оширишни талаб қилмоқда.

Эслатиб ўтамиз, ўтган мавсум Бундеслигада Упамекано 20 ўйинда майдонга тушиб, 2 та гол урди.