"Real" Benzemaga La Ligadan o‘rinbosar topdi

Madridning “Real” klubi Karim Benzemaga o‘rinbosar sifatida “Espanol” hujumchisi Xoseluni sotib olmoqchi. "Relevo" xabariga ko‘ra, Madrid klubi 33 yoshli hujumchini sotib olish borasida jiddiy o‘ylanmoqda.

"Real Madrid" La Ligada o‘z o‘rnini saqlab qolish uchun kurashayotgan "Espanol" bilan ehtimoliy transfer bo‘yicha hali muzokaralarga kirishgani yo‘q. Klub Xoselu zaxira hujumchisi uchun yaxshi variant bo‘ladi va Benzema bilan raqobatlashadi, deb hisoblamoqda.

Karlo Anchelotti butun mavsum davomida "Real"dan frantsiyalik futbolchining o‘rniga hujumchi sotib olishni so‘rab kelgandi.

Eslatib o‘tamiz, "Real"da o‘ynagan. U Madridga 2009 yilning yozida kelib qo‘shilgan, ammo mavsumni o‘zining sobiq jamoasi "Selta"da ijara asosida o‘tkazdi. 2010/11 yilgi mavsumda Xoselu "Kastilya"ning eng yaxshi to‘purari bo‘lgan va 2011 yil 21 mayda "Real Madrid" safida "Almeriya" bilan o‘yinda (8:1) gol urgan edi.

Xoselu joriy mavsum La Ligada "Espanol" tarkibida 31 o‘yinda 15 ta gol urdi va 2 ta golli uzatmani amalga oshirdi.

Ispaniyalik futbolchi chempionat to‘purarlari ro‘yhatida Robert Levandovski (30 o‘yinda 21 gol) va Benzemadan (21 o‘yinda 17 ta gol) keyin 3-o‘rinni egallab turibdi.