“Реал” даҳшатли суммага ҳимоячи оладиган бўлди

“Реал” январь ойининг ўзидаёқ жиддий трансферларга қўл ўришни режалаштирмоқда. Мадридликлар ҳимоя чизиғини кучайтириш лозим, деган хулосага келган.

TodoFichajes нашрининг ёзишича, “Қироллик клуби” қишки трансферлар ойнаси очилиши билан ўз сафига “Арсенал” ҳимоячиси Вильям Салибани қўшиб олмоқчи.

Мутахассисларнинг бу трансфер осон бўлмаслигини таъкидламоқда. Чунки Салиба “Арсенал”нинг асосий ўйинчиларидан ҳисобланади.

“Реал” франциялик футболчини қўлга киритиш учун 100 миллион евро тўлашга тайёр. Ҳимоячига бундай катта сумма тикилиши “канонирлар”ни трансферга кўндириши мумкин.