“Реал” дарвозасини ким қўриқлаши ҳал бўлди

“Челси” дарвозабони Кепа Аррисабалага фаолиятини Испания чемпионатида давом эттирадиган бўлди.

Фабрицио Романонинг ёзишича, Тибо Куртуанинг оғир жароҳатидан кейин дарвозабон қидирган “Реал” мутасаддилари “аристократлар” билан Кепанинг трансфери бўйича келишувга эришди. Унга кўра, мадридликлар футболчини сотиб олиш ҳуқуқисиз бир мавсумга ижарага олади.

Маълумотларга қараганда, 28 ёшли дарвозабон “Реал”дан таклиф келиши билан уни дарров қабул қилган. Кепа жамоадошлари билан хайрлашиб, Мадридга отлангани айтилмоқда.

Кепа Аррисабалага дунёнинг энг қиммат дарвозабони бўлган. “Челси” уни қўлга киритиш учун 80 миллион евро сарфлаган эди.