“Реал” футболчиларига Алонсонинг нимаси ёқмас эди?

Хаби Алонсо “Реал” бош мураббийлигидан истеъфога чиқарилган клубнинг ишчи жараёнида у билан юзага келган муносабатлар ҳақида ҳам маълумотлар чиқарилмоқда.

Нуфузли манбалардан бири – Marca нашри мадридлик футболчиларнинг Хаби Алонсога муносабати ҳақида ёзди.

Унга кўра, “Реал” ўйинчиларига испаниялик мутахассиснинг тактик юкламаларни ҳаддан кўпайтириб юборгани умуман ёқмаган. Улар берилаётган маълумотлар ҳажмини керагидан ортиқ, деб ҳисоблаган. 

Қолаверса, футболчиларга Хаби Алонсонинг ёрдамчилари нима қилиш ва қандай ўйнаш кераклигини уқтириши ҳам эътирозларга сабаб бўлган. Бунинг натижасида кундалик иш жараёни ва муҳити салбий тус олган.

Манбанинг таъкидлашича, Хаби Алонсо бунга эътибор қаратмаган ва футболчилар унинг кўрсатмаларини тўлиқ бажара олмаслигини билган ҳолда ҳам жамоага ўз тактик қарашларини сингдиришга қаттиқ киришиб кетган. Оқибатда ўйинчилар ва мураббий ўртасида бир бирларидан норозилик кучайиб борган.

Табиийки, бу ҳолат жамоанинг натижаларига бевосита таъсир ўтказди ва жараён бош мураббийнинг истеъфоси билан якунланди.