"Реал" футболчиси АПЛга кўчиб ўтиши мумкин

Мадриднинг "Реал" клуби ярим ҳимоячиси Дани Себальос фаолиятини Англия Премьер-лигасида давом эттириши мумкин.

Англиянинг "Астон Вилла" клуби "Реал" хавбеги Дани Себальосни сотиб олиш вариантини кўриб чиқмоқда. Бирмингем клуби "Атлетико" футболчиси Конор Галлахерга даъвогарлик қилганди, бироқ футболчи "Тоттенхэм"да ўйнашни маъқул кўрди. Шу сабабдан клуб "қаймоқранглилар" сафида деярли ўйин амалиётига эга бўлмаётган испаниялик футболчини нишонга олди. "Трансфермаркт" портали футболчини 8 миллион еврога баҳолаган. Футболчининг "қироллик клуби" билан амалдаги шартномаси келаси йилнинг ёзида якунига етади.

Маълумот учун, хавбек жорий мавсумда умумий 17 та учрашувда майдонга тушган.