“Real” futbolchisi qamoqdan qanday qutiladi?
“Real”ning serbiyalik hujumchisi Luka Yovich o‘z vatanida olti oygacha qamalishi mumkinligi aytilmoqda.
Ma’lum bo‘lishicha, 22 yoshli hujumchiga bahorda Belgradga kelgan vaqtida karantin qoidalarini buzgani bo‘yicha ayblov e’lon qilingan. Buning oqibatida futbolchi yarim yilgacha qamoqqa hukm qilinishi mumkin.
Luka Yovis 19 mart kuni Ispaniyadan Serbiyaga qaytib borganidan keyin koronavirus pandemiyasi tufayli joriy qilingan 28 kunlik majbur karantinda o‘tirishi kerak edi. Biroq, futbolchining Belgrad ko‘chalarida yurgani aniqlangan.
Futbolchining o‘zi karantin talablaridan xabari yo‘qligini va zaruriy ehtiyojlar uchun do‘konga chiqqanini ta’kidlamoqda. Yovichning o‘zi jazoni engillashtirish maqsadida 30 ming evro to‘lagani xabar qilinmoqda.
Fikrlar