"Реал" ҳужумчиси қишда Франция чемпионатига йўл олиши мумкин

Мадриднинг "Реал" клуби ҳужумчиси Эндрик қишки трансферлар ойнасида Франциянинг "Марсель" клубига ўтиши мумкин. Бу ҳақда ESPN хабар бермоқда.

Нашр маълумотига кўра, 19 ёшли бразилиялик футболчига вазиятни кузатаётган бир қатор номи ошкор этилмаган клублар ҳам қизиқиш билдирмоқда. Ҳужумчи "қаймоқранглилар" сафидаги сўнгги ўйинини 18 май куни "Севилья"га қарши (2:0) ўтказди. Ўшанда жамоани пойтахт жамоасининг собиқ устози Карло Анчелотти бошқарган. Шундан сўнг, футболчи тизза ости пайидан жароҳат олиб, клублар ўртасидаги жаҳон чемпионати ва жорий мавсум стартида иштирок эта олмади.

Эндрикнинг клуб билан амалдаги меҳнат шартномаси 2030 йилнинг ёзига қадар мўлжалланган. "Transfermarkt" порталида келтирилган маълумотларга кўра, футболчининг бозор нархи 35 млн еврони ташкил этади.