“Реал” ҳужумчисига жиддий харидор чиқди

Франция чемпионати вакили “Лион” ёзги трансферлар вақтида “Реал” ҳужумчиси Мариано Диасни трансфер қилишни мўлжалламоқда.

Маълумотларга қараганда, мадридликлар ҳам деярли фойдаси тегмаётган доминиканлик ўйинчи билан хайрлашишга қарши эмас.

“Қироллик клуби” Диасни 6-7 миллион еврога қўйиб юбориши кутилмоқда.

28 ёшли ҳужумчи жорий мавсумда атиги ўнта учрашувда кўриниш берди ва бор-йўғи битта голли узатма муаллифи бўлди.

Мариано Диас “Лион”га бегона эмас. Бу ўйинчи 2017-2018 йиллар давомида французлар сафида ижарада ўйнаган. Унинг амалдаги шартномаси бир йилдан кейин якунланади. Мадридликлар асосий таркибга кира олмаётган ўйинчига янги битим бермайди.