“Real” ikkita “bomba” transfer tayyorlamoqda

“Real” mutasaddilari juda katta ishga qo‘l urmoqchi. Klub xo‘jayini Florentino Peres yozda yaxshigina xarajat qilishiga to‘g‘ri keladi.

Transfer News Live nashrining taniqli jurnalist Xosep Pedrerolga tayanib tarqatgan ma’lumotiga ko‘ra, madridliklar Kilian Mbappe va Erling Xoland transferini amalga oshirmoqchi.

Manba “Real” vakillari bu ikki hujumchidan birini emas, balki ikkisini ham o‘z tarkibiga qo‘shib olmoqchi ekanini ta’kidlayapti.

O‘z navbatida, o‘tgan yili Erling Xoland “Real”da o‘ynash istagini bildirgan bo‘lsa-da, madridliklar Kilian Mbappeni olib kelishga urinayotgani uchun “Manchester Siti” variantini tanlagan edi.

Futbol jamoatchiligi har ikki futbolchi bir jamoada faqat o‘zi asosiy yulduz bo‘lishini talab qilishini yaxshi biladi.