"Реал" Каземиро борасида бир қарорга келди

"Реал" Мадрид Каземирони МЮга қанчага сотишни истаётгани маълум. 

Бразилиялик ярим ҳимоячи "қироллик клуби"да қадрланади. Шундай бўлса-да, "Юнайтед" у учун 70 миллион евро таклиф қилса, мадридликлар музокараларга киришишга тайёр. Бу ҳақда "El Confidencial" нашри хабар берди. 

"Қаймоқранглилар" февралда 31 ёшга тўладиган футболчининг ёшини, шунингдек, "Монако"дан харид қилинган (80+20) Чуаменига имкон бериш кераклигини инобатга олган ҳолда, мазкур трансферга жиддий қаршилик билдирмайди. 

Ўз навбатида "қизил иблислар" Каземирони стратегик жиҳатдан муҳим футболчи, деб ҳисоблайди ва Испания клуби сафида йилига 7 миллион евро оладиган ўйинчига икки баравар юқори маош таклиф қилмоқда. 

Каземиро "Реал" сафига 2013 йилда келиб қўшилган. Шу вақт давомида Карлос Мадрид жамоаси билан 5 марта Чемпионлар лигаси бош совринини қўлга киритди.