"Реал" "Ливерпуль" юлдузини илиб кетиши мумкин

"Ливерпуль" ярим ҳимоячиси Алексис Макаллистер фаолиятини Испанияда давом эттириши мумкин.

Нуфузли нашрларнинг хабарларига кўра, "қироллик клуби" аргентиналик футболчининг ўйинларини синчковлик билан кузатиб бормоқда. Бироқ, мерсисайдликлар ўз юлдузини қўйиб юбормоқчи эмас. Шу сабабдан ҳам бу трансфернинг амалга ошиши бироз мураккаб бўлиши кутиляпти. Агар "Реал" футболчи учун таклиф билан чиқадиган бўлса, "қизиллар" Алексис учун катта маблағ талаб қилмоқчи. Футболчининг "Ливерпуль" билан амалдаги шартномаси 2028 йилнинг ёзида якунига етади. Унинг "трансфермаркт" порталидаги нархи 85 миллион еврони ташкил этади.

Маълумот учун, Макаллистер жорий мавсумда умумий 40та учрашувда майдонга тушиб, 5та гол ва 4та ассистни ўз ҳисобига ёздириб қўйган.