"Реал Мадрид": "Анчелотти абадий Мадрид оиласининг бир қисми бўлиб қолади"

"Реал Мадрид" Карло Анчелоттининг ёзда жамоани тарк этишини эълон қилиб, расмий баёнот билан чиқди:

“Реал Мадрид” футбол клуби ва Карло Анчелотти жамоа бош мураббийи сифатидаги фаолиятини якунлаш борасида келишувга эришди. Бизнинг клубимиз Мадрид ва Жаҳон футболи тарихидаги энг улуғ афсоналардан бири бўлган Карло Анчелоттига чуқур миннатдорлик ва самимий муҳаббатини билдирмоқчи.

Карло Анчелотти жамоамизни 123 йиллик тарихимиздаги энг муваффақиятли даврлардан бирига етаклади ва клуб тарихидаги энг кўп титул ютган мураббийга айланди — 6 мавсумда жами 15 та титул.

Анчелотти энди абадий “Мадрид” оиласининг бир қисми. Биз шундай мураббийга эга бўлганимиздан фахрланамиз — у бизга улкан муваффақиятлар келтирди ва клубимизнинг қадриятларини ҳам ўрнакли тарзда тақдим этди" - дея Переснинг сўзларини келтирди "қироллик клуби"нинг расмий сайти.

Маълумот ўрнида, "қаймоқранглилар" Испания Ла Лигасининг сўнгги турида "Реал Соседад" билан куч синашади. Ушбу беллашувдан сўнг жамоа бош мураббийи Лука Модрич ва Карло Анчелотти клуб билан хайрлашади. Мазкур тўқнашув эса 24 май куни 19:15 да старт олиши режалаштирилган.