"Реал" "Манчестер Юнайтед" ҳимоячисини харид қилмоқчи

“Реал” “Манчестер Юнайтед” ҳимоячиси Диого Далотга қизиқиш билдирмоқда, дея хабар берди "Sky Sports" нашри.

Манбага кўра, Мадрид клуби "Манчестер Сити"дан Жоау Канселуни сотиб олишдан умидини узди, шу боис, 23 ёшли португалиялик футболчини сотиб олиш борасида музокара бошлаш арафасида.

Аввалроқ, матбуот Далот номини "Барселона" билан боғлаган эди, аммо "Манчестер Юнайтед" ўз футболчиси билан шартномани узайтирмоқчи экани маълум бўлди.

Португалияликлар ва манкунианликлар ўртасидаги амалдаги келишув келаси йилнинг ёзига қадар мўлжалланган. "Transfermarkt" портали ҳимоячини 28 миллион еврога баҳоламоқда.

Жорий мавсумда Далот “қизил иблислар” сафида 15 та ўйинда майдонга тушиб, 2 та голли узатмани амалга оширган.